Բրիտանացի գիտնականները հերքել են այն կարծիքը, որ մեքենա վարելու ընթացքում դասական երաժշտության ունկնդրումն ավելի անվտանգ է դարձնում երթևեկությունը: London Metropolitan University-ի մասնագետները պարզել են, որ դասական երաժշտությունը վարորդի մոտ առաջացնում է ուշադրության և ռեակցիայի իջեցում։ Այս մասին հաղորդում է BBC-ն:
Գիտնականների կարծիքով՝ երաժշտության ընտրությունն ազդում է երթևեկության անվտանգության վրա:
Դրա հետ մեկտեղ նրանք կազմել են վարորդների համար ամենավտանգավոր դասական երաժշտության ցուցակը, որը գլխավորում է Բեթհովենի «Սիմֆոնիա №5» ստեղծագործությունը: Երկրորդ հորիզոնականում է Բախի «Տոկկատան» և «Ռե մինորը», իսկ երրորդում՝ Շտրաուսի «Կապույտ Դանուբ» վալսը:
Պարզվել է, որ ռոք երաժշտությունը մեծ մասամբ դրական ազդեցություն է ունենում վարորդների վրա: Սինգլների ցուցակը, որոնք նման ազդեցություն են թողնում, գլխավորել են Էլթոն Ջոնի և Aerosmith խմբի աշխատանքները:
Նորագույն հետազոտությունների համաձայն՝ վարորդների համար երաժշտության լավագույն տեմպը համարվում է այն, որը համապատասխանում է մարդու սրտի հարվածների հաճախականությանը:
