Վրաստանի ներքին գործերի նախկին նախարար Կախա Թարգամաձեն մոտ ժամանակներս պատրաստվում է վերադառնալ Վրաստան: Նման որոշում նա կայացրել է Վրաստանում իշխանափոխությունից հետո:
«Ռուսթավի-2» հեռուստաալիքին տված հեռախոսային հարցազրույցի ժամանակ Թարգամաձեն նշել է, որ հոկտեմբերի 1-ին կայացած խորհրդարանական ընտրություններից հետո ինքն արդեն երկու անգամ այցելել է Թբիլիսի և այս անգամ պատրաստվում է գալ՝ ընտանիքին և ընկերներին տեսնելու համար:
«Ես չեմ պատրաստվում համագործակցել որևէ քաղաքական կուսակցության կամ գործչի հետ»,- ասել է նախկին նախարարը:
Հիշեցնենք, որ «Վարդերի հեղափոխությունից» հետո նախկին նախարարի դեմ քրեական գործ չի հարուցվել, այնուամենայնիվ, նա հրաժարվել է Վրաստանի քաղաքացիությունից և հեռացել երկրից: Վերջին ինը տարիների ընթացքում նա ապրել է Ռուսաստանում: