Ամերիկացին դատարանի միջոցով վիետնամական խաղատնից վերցրել է իր վաստակած 55.5 մլն դոլարը` հաղորդում է Agence France-Presse-ը:
Ամերիկայից 60-ամյա զբոսաշրջիկ Լի Սամը 2009թ. հոկտեմբերին Հոշիմինի հինգաստղանի հյուրանոցում տեղադրված խաղային սարքից ջեքփոթ է վաստակել:
Նա խաղադրույք էր կատարել 300 դոլարի վրա: Ինչպես ընդգծում է վիետնամական Thanh Nien news թերթը, տղամարդը նկարահանել է խաղասարքի էկրանը ու երկու այլ խաղացողի խնդրել վկայել իր շահումի մասին:
Խաղատան տերը չի ցանկացել ամերիկացուն վճարել շահումը՝ ջեքփոթը համարելով սարքի սխալի արդյունք:
Դատական լսումների ժամանակ դատարանը պաշտպանել է ամերիկացուն, քանի որ սարքի տերերը չեն կարողացել ներկայացնել ուղղակի ապացույցներ սարքի սխալ աշխատանքի վերաբերյալ:
