Մադրիդի «Ռեալ»-ի պաշտպան Ռաֆայել Վարանը պատմել է, թե ինչ զգացումներ է ունեցել «արքայական ակումբ»-ում անցկացրած առաջին օրերին: Նա նշել է, թե եկել է եզրակացության, որ ոչ մի վայրկյան չի կարելի թուլանալ անգամ թիմի մարզումների ժամանակ:
«Նախ ցանկանում էի սովորել իմ խաղընկերներից: Բայց միաժամանկ պետք է ցուցադրեի, որ վերջին խաղացողը չեմ, ով զիջում է մյուսներին, և կարող եմ լինել «Ռեալ»-ի ֆուտբոլիստ: Գիտակցում էի նաև, որ ոչ մի վայրկյան իրավունք չունեմ թուլանալու: Այդ պատճառով միշտ շատ կենտրոնացած եմ աշխատել:
Բայց մի անգամ, այնուամենայնիվ, անուշադիր եղա, և Կական անմիջապես գնդակն անցկացրեց ոտքերիս արանքով: Ընդ որում, հեշտությամբ: Այն ժամանակ պատկերացրի «Ռեալ»-ի մակարդակը: Այստեղ պետք է միշտ համապատասխան հարթության վրա լինել»,- Marca-ն մեջբերում է Վարանի խոսքերը:
