Ժերար Դեպարդյեն «կմնա ֆրանսիացի՝ չնայած ռուսական անձնագրին»: Այս մասին այսօր դերասանը հայտարարել է ֆրանսիական L’Equipe հեռուստաալիքին տված հարցազրույցում:
«Ես ռուսական անձնագիր ունեմ, բայց, ինչպես նախկինում, ֆրանսիացի եմ և ավելի շուտ` կլինեմ նաև Բելգիայի քաղաքացի»,- հայտնել է նա: Դեպարդյեն հավաստիացրել է, որ չի փախչում հարկերից: «Եթե իմ նպատակը հարկերից խուսափելը լիներ, ես Ֆրանսիան արդեն վաղուց լքած կլինեի»,- ասել է նա:
Նրա խոսքով՝ ֆրանսիական անձնագրից հրաժարվելու պատճառը երկրի վարչապետի խոսքերն էին. վերջինս դերասանին «վախկոտ» էր անվանել, երբ նա հայտնել էր հարևան Բելգիա տեղափոխվելու իր մտադրության մասին:
Հիշեցնենք՝ հունվարի 6-ին Դեպարդյեն ռուսական անձնագիր է ստացել:
