Այսօր Ֆրասնիայի նախագահ Նիկոլա Սարկոզին ժամանում է Ճապոնիա, որտեղ հանդիպումներ կանցկացնի այդ երկրի վարչապետ Նաոտո Կանի հետ: Սարկոզին Ճապոնիա է ժամանում որպես «G-20»-ում նախագահող երկրի ղեկավար: Այս օրերին նա գտնվում էր նաև Չինաստանում, որտեղ տեղի է ունենում «G-20» հավաք:
Սարկոզին առաջին օտարերկրյա բարձրաստիճան ղեկավարն է, ով ժամանում է աղետի մեծ գոտու վերածված Ճապոնիա: Բացի վերոնշյալ նպատակներից` Սարկոզին խնդիր ունի 2012թ. նախագահական ընտրություններից առաջ բարձրացնելու իր վարկանիշը, որը, ըստ մասնագետների, հատկապես մարտին զգալի անկում է ապրել: Էքստրեմալ ճանապարհորդությունները կարող են օգնել վարկանիշի բարձրացման հարցում, մանավանդ, որ ամբողջ աշխարհում տպավորություն է ստեղծվել, որ Ճապոնիայի տարածքի մեծ մասը վարակված է ռադիոակտիվ նյութերով:
