Իսպանիայի մայրաքաղաք Մադրիդում հազարավոր մարդիկ երկուշաբթի օրը բողոքի ակցիա են կազմակերպել, որպեսզի իրենց անհամաձայնությունն արտահայտեն իշխանությունների ծրագրերին առողջապահության համակարգի վերակազմավորման և մի շարք բժշկական կենտրոնների և հասարակական հիվանդանոցների մասնավորեցման վերաբերյալ, տեղեկացնում է EFE գործակալությունը:
2012թ-ին Մադրիդն առաջարկել էր բյուջեի միջոցների տնտեսման նպատակով մասամբ մասնավորեցնել 20 պետական հիվանդանոցներից 6-ը և 268 բժշկական կենտրոններից 27-ը:
Իսպանիայում տնտեսության նոր միջոցների դեմ բողոքները սկսվել էին 2012թ-ի նոյեմբերի կեսերից: Բողոքի այս ակցիան 2013թ-ին առաջինն է: Կազմակերպիչները հույս են հայտնել, որ այն նմանատիպ ակցիաների շղթայում առաջին օղակը կդառնա:
ԶԼՄ-ների փոխանցմամբ, ակցիայի մասնակիցները «Առողջապահությունը չի վաճառվում» պաստառներով կհավաքվեն Պուերտա-դել-Սոլ կենտրոնական հրապարակում, որտեղ «մեկ րոպե լռությամբ կհարգեն անվճար բուժօգնության հիշատակը», այնուհետև կկարդան գոյություն ունեցող առողջապահության համակարգի պաշտպանության հռչակագիրը: Մինչ այժմ ցույցն առանց պատահարների է ընթանում:
