Թուրքական Hürriyet թերթի փոխանցմամբ, Ֆրանսիայում ցանկանում են Թուրքիայի դեմ դարձյալ կիրառել Հայոց ցեղասպանության լծակը:
Նշվում է, որ Սոցիալիստական կուսակցությունը մայիսի 4-ին Սենատի օրակարգ է մտցնելու Հայոց ցեղասպանությունը մերժումը քրեորեն դատապարտող մի օրինագիծ:
Վերջինիս հաստատման դեպքում, Ֆրանսիայում Հայոց ցեղասպանությունը ժխտողները կստանան մինչև 5 տարվա ազատազրկում ու կվճարեն 45,000 եվրո տուգանք:
Հիշեցնենք, որ Ֆրանսիայում Հայոց ցեղասպանությունը ճանաչող բանաձևեր ընդունվել են 1998, 2000 և 2001 թվականներին: Իսկ 2006 թվականի հոկտեմբերի 12-ին Ֆրանսիայի խորհրդարանի ստորին պալատն ընդունեց (Հոլոքոսթի նման) Հայոց ցեղասպանությունը մերժողներին պատասխանատվության ենթարկելու օրինագիծը:
