Աննախադեպ բախումները և հեղափոխություններն արաբական արևելքում զգալիորեն ազդել են ավիափոխադրումների վրա ամբողջ աշխարհում: Ուղևորափոխադրումների քանակի անկումը կապված է նավթի գների աճով, ինչն ազդում է վառելիքի, հետևաբար նաև` տոմսերի արժեքի վրա: Բացի այդ, զգալիորեն կրճատվել է ուղևորների քանակը դեպի անհանգիստ երկրներ:
Հունվար ամսին Մերձավոր Արևելք 12%-ով ավելի քիչ ուղևոր է մեկնել, քան նախորդ տարվա նույն ժամանակահատվածում: Փետրվարին այդ թիվը կրճատվել է ևս 6%-ով: Փորձագետները նշում են, որ բախումներն ու հուզումները Բահրեյնում, Եմենում և Սիրիայում կարող են հանգեցնել այդ տարածաշրջան ուղևորների թվի հետագա կրճատմանը: Տվյալները՝ ըստ MIGNews.com կայքի: