Համաձայն կանխատեսումների՝ 2013-ին չինական սմարթֆոնների շուկան մատակարարման ծավալով կգերազանցի ամերիկյանին և կդառնա առաջատարը աշխարհում։ Չինական փորձագետների կարծիքով՝ դա հնարավոր կլինի Չինաստանի բնակչության մեծամասնությանը հասանելի էժան գաջեթների արտադրության շնորհիվ,- հաղորդում է CNN-ը։
The Next Web ամսագրի գլխավոր խմբագիր Ջոն Օնը նշել է, որ Չինաստանի բնակիչները արդեն կարող են համակարգիչները և նոութբուքերը փոխարինել բոլորին հասանելի սմարթֆոններով։ Ըստ վերլուծաբանների՝ այդ հանգամանքը կնպաստի երկրում ընդդիմադիր տրամադրությունների աճին և ազատ խոսքի համար մղվող պայքարին։
2013-ին սպասվում է չինական տիեզերական ծրագրի զարգացման հերթական քայլը. նախատեսվում է Չեն-յո-III լուսնագնացը ուղարկել Լուսին։ Այն կաշխատի այնտեղ երեք ամիս։ 2012-ին Չինաստանն առաջին անգամ տիեզերք է ուղարկել Չժենչժոու-9 տիեզերանավը Տյնագուն-1 կայանից։
