Ուելսի արքայազն Չարլզը հոլովակ է նկարահանել, որտեղ ծաղրում է լրագրող Մոլլի Մելդրամին, որը մոտ 40 տարի առաջ իրենից հարցազրույց է վերցրել ավստրալական հեռուստաալիքի «Հետհաշվարկ» ծրագրի համար: Այս մասին հայտնում է Sky News հեռուստաալիքը:
Կարճ հոլովակում արքայազնը հիշում է տապալված հարցազրույցը, որի ընթացքում Մելդրամը շատ է նյարդայնացել, ցենզուրայից դուրս բառապաշար է օգտագործել, քրտնել է, չի տեղավորվել ժամանակի մեջ: «Դա 40 տարի առա՞ջ էր: Կարծես երեկ լիներ: Ես կուզենայի, որ այն նշանակված լիներ վաղը. ես կհրաժարվեի»,- ասել է Չարլզը:
Հոլովակում կադրեր կան 1977թ. Չարլզի հետ Մելդրամի հարցազրույցից: Հոլովակում երևում է, որ լրագրողը մի քանի անգամ սկսել է նախադասությունը՝ հարցը ձևակերպելու համար:
Մելդրամը նաև մի քանի անգամ հայհոյել է արքայազնի ներկայությամբ: «Ես իսկապես մի քանի նոր հետաքրքիր ավստրալերեն բառ սովորեցի պրն Մելդրամից: Եվ եթե նա կարողանար կարդալ իմ մտքերը, նա էլ շատ նոր անգլերեն բառեր կսովորեր ինձնից»,- ասել է Չարլզը:
Հոլովակի վերջում արքայազն Չարլզի ուսին են խփում՝ խնդրելով «հավաքվել», ինչպես Մելդրամին 40 տարի առաջ մի քանի անգամ ընդհատում են «ժամանակը լրացել է» խոսքերով, ուղղում են, երբ նա սխալվում է: Վերջում Չարլզը մի բաժակ ջուր է խնդրել:
Sky News-ի տեղեկությամբ՝ հոլովակի համար սցենարը Չարլզն անձամբ է գրել:
