Քրդական Fırat լրատվական գործակալության փոխանցմամբ, վարչապետ Էրդողանը զանգահարել է Սիրիայի նախագահ Ասադին և իր խորին մտահոգությունը հայտնել Սիրիայում գրանցված վերջին զարգացումների շուրջ.
«Սիրիական զարգացումներն անմիջականորեն իրենց ազդեցությունն են ունենում հարևան Թուրքիայի վրա: Թուրքիայի համար մեծ վտանգ են ներկայացնում Սիրիայում բնակվող 1.4 միլիոն քրդերը: Դուք չպետք է հեռանաք քրդական գործոնի պատճառով:
Եթե դա տեղի ունենա, ապա այդ 1.4 միլիոն սիրիական քրդերը, Թուրքիայում բնակվող 15 միլիոն քրդերի, Իրանում բնակվող 7 միլիոն քրդերի և Հյուսիսային Իրաքում բնակվող 6 միլիոն քրդերի հետ միասին ոտքի կկանգնեն և միացյալ անկախ պետության պահանջ կդնեն»:
Նշվում է, որ դեպքերի նմանատիպ զարգացմանը պատրաստ լինելու համար Անկարան ու Դամասկոսը 2009 թվականին հիմնեցին Բարձրագույն ռազմավարական համագործակցություն, իսկ 2010 թվականի ապրիլին տեղի ունեցան թուրք-սիրիական առաջին համատեղ զորավարժությունները:
Հիշեցնենք, որ նախկինում էլ նշվում էր, որ Անկարան ու Դամասկոսը գաղտնի համաձայնագիր են կնքել Հյուսիսային Իրաքում բազավորված «Քրդստանի աշխատավորական» կուսակցության (PKK) շուրջ 3500 զինյալների բուն գործունեության դադարեցումից հետո նրանց Սիրիայում բնակեցնելու շուրջ:
Նշվում էր, որ քուրդ զինյալների գրեթե կեսն ունի սիրիական ծագում: