Հնդկաստանի հյուսիսում զբոսաշրջիկներով լի օդապարիկը պատահմամբ իջել է բանտի տարածքում, հայտնում է traveller24-ը: Օդապարիկն այնտեղ է քշել ուժեղ քամին: Հաղորդվում է, որ բանտի աշխատակիցները սկզբում կարծել են, թե օդապարիկը բանտի տարածք է իջել, որպեսզի կալանավորներին օգնի փախչել:
Իջնելու պահին բոլոր կալանավորներն իրենց բանտախցերում են եղել: Երբ բանտի ղեկավարը դեպքի մասին հայնել է ոստիկանությանը, փոխադրող ընկերությանը մեղադրել են չարտոնված ներթափանցման համար և զրկել են թռիչքներ իրականացնելու արտոնագրից:
BBC News-ը նշում է, որ օդապարիկի զամբյուղում 3 մարդ է եղել՝ այն ղեկավարողը և օտարերկրացի 2 զբոսաշրջիկ:
