Դիզայներ Միլոշ Պարապովիչի ստեղծած կոնցեպտ քարը, ինչպես ինքն է վկայում, պատկերում է հայտնի դերասան Չակ Նորիսի դիմագծերը, իսկ որակում արտացոլվել է մարտաֆիլմերի հերոսի բնավորությունը: Այս մասին հայտնում է novate.ru-ն:
Վիեննայի կիրառական արվեստների համալսարանի շրջանավարտ Պարապովիչը վստահ է, որ ավտոմեքենաների ձև ստեղծելով՝ դիզայներները կրկնօրինակում են մարդկանց արտաքինը և մեքենան այնպիսի մարդկային հատկանիշերով են օժտում, ինչպիսիք են բարյացակամությունը, ագրեսիվությունը, կոկետությունը և նույնիսկ հումորի զգացումը:
MiniNorris քաղաքային երկտեղանոց ավտոմեքենան ինչ-որ տեղ հիշեցնում է Renault Twizy-ն, բայց միաժամանակ, տարբերվում է ավելի առնական արտաքին տեսքով:
Ավտոմեքենան առայժմ գոյություն ունի միայն դիզայների մտքերում և իրագործվել է համակարգչային մոդելի տեսքով:
Կատակ-տեսանյութում, որը ցույց է տալիս քրաշ-թեստը (անխոս, դա միայն համակարգչային գրաֆիկա է) ցուցադրվում է, թե ինչպես է MiniNorris-ը պատը կոտրելով անցնում, իսկ մեքենայում եղած 2 մարդիկ հարմարավետ տեղ են հասնում:
Առայժմ ոչ մի հայտնի ավտոարտադրող չի ստանձնել կոնցեպտի իրագործումը:
