Rockabye Baby երեխաների համար հավաքածուների ուղղությամբ մասնագիտացող ձայնագրման ընկերությունը ցուցադրել է Lullaby Renditions of Rush-ը: Հավաքածուն բաղկացած է կանադական Rush խմբի ստեղծագործություններից, որոնք վերաձայնագրվել են առանց խոսքերի օրորոցային մեղեդիների տարբերակով: Այս մասին հաղորդում է Rush-ի երկրպագուների Power Windows կայքը:
Սկավառակի թողարկումը նախատեսված է հունվարի 29-ին: Այն պարունակում է այնպիսի հայտնի կոմպոզիցիաներ, ինչպիսին են՝ 2112: Overture-ը, Limelight-ը, The Spirit of Radio-ն, Tom Sawyer-ը, Closer To The Heart-ը և այլն: Ընդհանուր առմամբ, սկավառակի վրա կա 12 երգ: Այն կարելի է պատվիրել 16,98 դոլարով:
Rush խումբը առաջին հավաքածուն թողարկել է 1974թ.: Դրանից հետո աշխարհում խմբի սկավառակների վաճառքի թիվը հասնում է 40 մլն-ի:
