Կատալոնական «Բարսելոնա»-ի նախկին գլխավոր մարզիչ Յոհան Կրուիֆը քննադատության է ենթարկել ակումբի ղեկավարներին:
Կրուիֆի կարծիքով` «կապտանռնագույններ»-ի նախագահ Խոսեպ Մարիա Բարտոմեուն և նրա աշխատակիցները ճիշտ ուղղությամբ չեմ կատարում աշխատանքները:
«Ներկայիս «Բարսելոնա»-ն խղճահարության զգացում է առաջացնում: Ակումբն աշխարհի մարգարիտներից էր, երբ նրա տիտղոսային հովանավորը Unisef-ն էր: Այժմ այն զիջել է դիրքերն ու զգալի կորցրել հեղինակությունը: Կարծում եմ` կատալոնացիների ղեկավարների ներկայիս վիճակը չի կարող նպաստել ակումբի կայունությանը: Ես նրանց հետ գրեթե կապ չունեմ:
Ինչ վերաբերում է թիմին, ապա դժվար է կարծիք հայտնել, եթե որևէ կապ չունես դրա հետ: Մանր դետալներն ամենակարևոր տարրերն են և վերջին երկու տարիների ընթացքում այստեղ համապատասխան աշխատանք չի կատարվել: Որպեսզի թիմը պատշաճ խաղ ցուցադրի, այն պետք է լավ գործի»,- Marca-ն մեջբերում է Կրուիֆի խոսքերը:
Հիշեցնենք, որ «Բարսելոնա»-ն անընդմեջ երկու պարտություն է կրել Իսպանիայի առաջնության շրջանակներում: Թիմը զբաղեցնում է մրցաշարային աղյուսակի չորրորդ հորիզոնականը` իր ակտիվում գրանցելով 22 միավոր:
