Թուրքական Զինված ուժերը օդային օպերացիայի արդյունքում Իրաքի հյուսիսային սահմանամերձ շրջաններում ոչնչացրել են Քրդստանի աշխատավորական կուսակցության 48 զինյալի` տեղեկացնում է mk-turkey.ru-ն:
Օպերացիայի թիրախը Քրդստանի աշխատավորական կուսակցության «Կանիրեշ» ճամբարն էր, որը տեղակայված է Իրաքի հյուսիսային հատվածում:
Հաղորդվում է, որ ճամբարում գտնվող 68 ահաբեկիչներից ոչնչացվել է 48-ը, ընդ որում՝ սպանվածներից 12-ը կանայք են:
Ավիահարվածից հետո փրկված զինյալները լքել են ճամբարը, իսկ վիրավորները տեղափոխվել են Թուրքիա:
«Կանիրեշ» ճամբարը գտնվում է թուրքական Քաքյարի նահանգից 8-10 կմ հեռավորության վրա և ծառայել է որպես օպերատիվ շտաբ, մարզական ճամբար` քրդերի համար: