Բեռլինի Ազատ համալսարանի օդերևութաբանական ծառայությունը վաճառքի է հանել 2013 թ. ցիկլոնների անվանումները,- հաղորդում է dapd-ը: Ծառայության արժեքն է 199 եվրո և նախատեսված է այն տղամարդկանց համար, որոնք պատրաստ են վճարել, որպեսզի ցածր մթնոլորտային ճնշման գոտիները կրեն իրենց անունը:
Որոշում է կայացվել 2013 թ. հակացիկլոնները կոչել կանանց անուններով: Դրանք գրեթե վաճառվել են, ընդ որում՝ ավելի թանկ՝ 299 եվրոյով։
Ինչ վերաբերվում է ցիկլոններին, ապա այբուբենի որոշ տառեր դեռևս պահանջարկ չունեն: Եթե գնորդներ այդպես էլ չլինեն, ապա գերմանացի օդերևութաբանները, դրանք կհանեն Ebay համացանցային աճուրդի:
Ցիկլոնների և հակացիկլոնների վաճառքի հաշվին համալսարանական օդերևութաբանական կայանը ֆինանսավորում է իր ուսումնասիրությունները: Գնորդները ստանում են հատուկ սերտիֆիկատ, որում գրված է, թե երբ և որտեղ է գրանցվել իրենց անունը կրող երևույթը:
Գերմանիայում ցիկլոններին անուններ տալու ավանդույթը ծագել է 1990-ական թթ., երբ ուժեղ ձնաբքերն անվանվում են Վիվիան և Վիբկե: Նման անվանումները գիտական չեն, սակայն կիրառվում են տարվա ընթացքում եղանակի պաշտոնական տեսություններում: