Գյումրիում այրվել է վագոն-տնակ. ներսում հայտնաբերվել է տարեց մարդու ծխախեղդ եղած դին (լուսանկարներ)

Հունվարի 2-ին, ժամը 10.25-ին ահազանգ է ստացվել, որ Գյումրի քաղաքի Անտառավան 5-րդ թաղամասի թիվ 21ա շենքի մոտակայքում այրվում է տնակ: Դեպքի վայր է մեկնել մեկ մարտական հաշվարկ: Պարզվել է, որ հրդեհը բռնկվել է Գյումրի քաղաքի Անտառավան 5-րդ թաղամասի 232/048 տնակում: Հրդեհը մեկուսացվել է ժամը 11.05-ին, մարվել` 12.42-ին:

ԱԻՆ լրատվական ծառայությունից «Առաջին լրատվական»-ին հայտնում են, որ ամբողջությամբ այրվել է երկաթյա տնակը (18քմ), ներսում հայտնաբերվել է 1935 թ. ծնված Ֆ. Սարգսյանի դին: