ԵՄ Խորհուրդը որոշում է ընդունել Բելառուսի դեմ պատժամիջոցների ժամկետը երկարաձգել մինչև 2015 թ. հոկտեմբերի 31-ը: Համապատասխան տեղեկությունը հրապարակվել է ԵՄ Խորհրդի կայքում:
Որոշումն ընդունել է այն հիմքով, որ Բելառուսում ոչ բոլոր քաղբանտարկյալներն են ազատվել և վերականգնվել, իսկ մարդու իրավունքների և ժողովրդավարական սկզբունքների պահպանման հետ կապված իրավիճակը զգալիորեն չի բարելավվել, ասվում է հաղորդագրության մեջ:
Միաժամանակ, ԵՄ Խորհուրդը հիմք չի գտել Բելառուսի 24 քաղաքացու պատժամիջոցների ցուցակում թողնելու համար, որոնց նախկինում արգելվել է մտնել ԵՄ և որոնց ակտիվները ԵՄ տարածքում սառեցվել են: Պատժամիջոցների ցուցակից հանել են նաև բելառուսական 7 ձեռնարկություն:
Բելառուսի նկատմամբ ԵՄ պատժամիջոցները սահմանվել են 2012 թ. երկրի տարածքում մարդու իրավունքների խախտումների մասին հաղորդագրությունների պատճառով:
