Դերասանուհի Լուիզա Ներսիսյանը տարին փակում է ձեռքբերումներով: Այն իր ընտանիքի համար հաջողություններով լի է եղել. ինչ ծրագրեր ունեցել են, բոլորը հասցրել են իրականացնել, աշխատանքի հետ կապված՝ բավականին անակնկալներ են եղել։
Դերասանուհին նշեց, որ ունեցել է ֆիլմի («Հոբելյանական հաճախորդ») պրեմիերա: Բացի այդ, Երևանի պետական կարմերային թատրոնում մի քանի ներկայացման պրեմիերաներ են եղել: Նրա խոսքերով՝ տարին հագեցած էր և հաջող:
Լուիզա Ներսիսյանը բոլորին մաղթում է «յուրաքանչյուր օրից քաղել մաքսիմումը», յուրաքանչյուր օրը վայելել, ոչ թե ծրագրեր մշակել, թե երկու-երեք ամիս հետո ինչ է լինելու։
«Յուրաքանչյուր օր առավոտից մինչև երեկո աշխատում եմ ինձ համար մաքսիմալը քաղել: Մաղթեմ բոլորին, որ հաճույք ստանան կյանքից և ոչ թե սպասեն երջանկությունը որևէ մեկը՝ Ձմեռ պապիկի կամ Ձյունանուշիկի տեսքով, իրենց պարգևի։ Յուրաքանչյուրիս երջանկությունը հենց մեր մեջ է թաքնված, և մեր մեջ է հաջողակ լինելու բանալին»,- ասաց դերասանուհին:
Լուիզա Ներսիսյանը նաև հավելեց, որ 2013-ին կան բավականին ծրագրեր,որոնք, հուսով է, բոլորն էլ կիրականանան, քանի որ կան դրանց իրականացման բոլոր նախադրյալները:
