Ինքնաձիգներով և հրացաններով զինված մոտավորապես 40 մարդ ամերիկյան Սենթ Լուիս քաղաքի փողոցներ են դուրս եկել՝ պահանջելով հաստատել իրենց՝ ազատորեն զենք կրելու իրավունքը: Ցուցարարներից մեկն իր հետ տարել է 1,5 տարեկան երեխային, որը ձեռքում պահել է խաղալիք հրացան՝ հաղորդում է RIA Novosti-ին:
Զինված ամբոխի խաղաղ երթը գրավել է զբոսաշրջիկների ուշադրությունը՝ գրում է տեղական St. Louis post-dispatch պարբերականը: Ակցիայի նպատակը մասնակիցներն անվանում են «Միսսուրի նահանգում սահմանված նոր սահմանադրական իրավունքների ստուգումը», որոնք թույլ են տալիս նահանգի բնակիչներին բացահայտորեն զենք կրել: Ակցիան կազմակերպել է Ջեֆրի Սմիթը, որը երթին մասնակցել է երեք ինքնաձիգով:
Հաղորդվում է, որ ցուցարարներին հետևել են 10 ոստիկաններ:
