Իսպանացի արիստոկրատի ապօրինի որդին՝ 59-ամյա մատուցող Էստեբան Մարչենա Գարսիան, շահել է 2 մլն եվրո ժառանգության վերաբերյալ դատը: Այս մասին հայտնում է The Times-ը:
Իսպանացու հայրը հանգուցյալ Խուան Վելես Ուտրերան է, որը հողեր և մի քանի տուն է ունեցել Սևիլիայի շրջանում: Ուտրերան սիրավեպ է ունեցել 17-ամյա սպասուհի Էնկարնասյոն Մարչենայի հետ: 1955թ. ծնվել է Էստեբանը, բայց հայրը հրաժարվել է ընդունել տղային, և Գարսիային որդեգրել են՝ նշում է The Daily Mail-ը:
2001թ. Ուտրերայի մահից հետո Էստեբանը ոչինչ չի ստացել հորից, և դատարան է դիմել միայն 8 տարի հետո: Դատական երկարատև գործընթացում Ուտրերայի ընտանիքը գաղտնի արտաշիրիմել ու դիակիզել է նրա մարմինը՝ ԴՆԹ-ն ոչնչացնելու համար: Սակայն ներկայում դատավորը վճռել է, որ Գարսիան ժառանգության նույնպիսի իրավունքներ ունի, ինչպիսին իր 3 օրինական եղբայրները:
Գարսիան որպես մատուցող է աշխատում Մալագայում, ունի 5 երեխա:
