News Georgia-ի փոխանցմամբ՝ Վրաստանի նոր կառավարության նախարարներից ամենահարուստը էներգետիկայի և բնական պաշարների նախարար, հայտնի ֆուտբոլիստ Կախա Կալաձեն է: Այս մասին են վկայել սեփական ունեցվածքի նախարարների լրացրած հայտարարագրերը:
Մասնավորապես, Կախա Կալաձեին Վրաստանում է պատկանում 7 բնակմակերես և 9 ավտոմեքենա, 3 բնակարան, 3 շենք և 7 հողամաս: Բացի այդ, Կալաձեն ունի նաև բնակարան և հողամաս Ուկրաինայում, ուր 1990-ական թվականների վերջին հանդես է եկել Կիև «Դինամո» ակումբում:
Կալաձեի ավտոմեքենաներն են Lexus LX 570, Toyota LC 200, Rang Rover Vogue, Rolls Royce Phantom, Porsche Panamera, Lamborghini Murcelago, Bentley Continental, Mercedes Benz S65 և Mercedes Benz S600, իսկ մոտոցիկլետները՝ Harley Davidson Springer և Harley Davison V Rod:
Ինչ վերաբերում է արժեթղթերին, ապա Կախա Կալաձեին են պատկանում АО Kala Development ընկերության 13,995,775 լարի (1 լարին հավասար է 0.6 դոլար) արժողությամբ արժեթղթեր: Հայտարարագրման ժամանակ Կալաձեն ունեցել 30,000 լարի (մոտ 18,000 դոլար) կանխիկ գումար: 2011 թվականին իտալական «Ջենովա» ֆուտբոլային ակումբում Կալաձեի տարեկան եկամուտը կազմել է 2,762,000 եվրո: Եվս 68,000 դոլար նա ստացել է իր ավտոմեքենաների վաճառքից:
Ինչ վերաբերում է Վրաստանի վարչապետ, միլիարդատեր Բիձինա Իվանիշվիլիին, ապա նրա ունեցվածքի հայտարարագրումը հետաձգվել է մի քանի օրով: Իվանիշվիլիի ունեցվածքը գնահատվում է մոտ 6.5 միլիարդ դոլար: