Տարվա սկզբից Ադրբեջանի բնակչության թիվն աճել է 75 400-ով (0,8%)՝ 2014 թ. սեպտեմբերի 1-ի դրությամբ կազմելով 9 մլն 552 500 մարդ: Այս մասին հայտնում է Trend-ը՝ հղում անելով Ադրբեջանի վիճակագրության պետական կոմիտեի հինգշաբթի օրը հրապարակված հաղորդագրությանը:
Հաղորդագրության մեջ նշվում է, որ Ադրբեջանում բնակչության խտությունը 110 մարդ է 1 ք.կմ-ի վրա: Երկրում 1 000 տղամարդուն բաժին է ընկնում 1011 կին:
Ըստ հաղորդագրության՝ ընթացիկ տարվա 8 ամիսներին Ադրբեջանում ծնվել է 112 000 երեխա, որոնց 53,6%-ը՝ տղա, 46,4%-ը՝ աղջիկ:
Նշված ժամանակահատվածում Ադրբեջանում գրանցվել է 37 300 մահ: Նույն ժամանակահատվածում գրանցվել է 53 400 ամուսնություն և 8 000 ամուսնալուծություն:
