Hazar Worldպարբերականին տված հարցազրույցի ժամանակ Թուրքիայի էներգետիկայի և բնական պաշարների նախարար Թաներ Յըլդըզը հայտարարել է, որ «Անդրանատոլիական» (TANAP) գազատարի նախագիծը կարագացնի Nabucco նախագծի իրագործումը.
«Թուրքիան շարունակում է աջակցել Nabucco-ի նախագծին, որը, TANAP-ի հետ մեկտեղ, ուղղված է Եվրոպային գազի մատակարարման դիվերսիֆիկացմանը և կասպյան գազի համար նոր շուկաներ բացելուն: TANAP նախագիծը կամրջի դեր է խաղում՝ կապելով Արևելքի էներգակիրների աղբյուրներն Արևմուտքի աճող սպառողական շուկաների հետ:
Թուրքիան պատրաստ է միջանցքի դեր խաղալ Իրաքից գազը Եվրոպա հասցնելու համար: Բացի այդ, Թուրքիան շարունակում է աշխատանքներ տանել «Պանարաբական» գազատարով եգիպտական գազը Հորդանանի միջոցով եվրոպական շուկաներ հասցնելու ուղղությամբ»:
