Ինչպես տեղեկացրել էինք, ամիսներ շարունակ ՀՀ ԱԺ հանրապետական պատգամավոր Զոհրաբ Զոհրաբյանը, պարտքերի տակ կքած, զբաղվել է ալֆոնսությամբ: Կարճ ժամանակ առաջ www.persons.am կայքէջում Զոհրաբ Զոհրաբյանի կենսագրականի տակ տեղ գտած կարծիքներում հայտնվել էր հետևյալ գրառումը. «Այս պարոնը ձեզի սեր կպատմե, հետո կուլա, որ փող չունի, հետո կգցե, զգույշ, տիկիններ, ինձ պես մի եղեք»,- գրել էր «Փարիզյան սուրճ»-ի տնօրեն Վալերի-Աշխեն Գործունյանը: Սակայն կարճ ժամանակ անց տողերն անհետացել են Զոհրաբ Զոհրաբյանի` Գործունյանին սպանելու սպառնալիքների արդյունքում:
Իսկ արդեն այսօր՝ ժամը 13-00-ի սահմաններում, ՀՀԿ պատգամավոր Զոհրաբ Զոհրաբյանը, որն այս պահին գտնվում է Ռուսաստանի Դաշնությունում, զանգահարել է Աշխեն-Վալերի Գործունյանին և ահաբեկել` ասելով. «Այսօր մինչև գիշեր դու և տղադ դիակ կդառնաք»:
Այսօր փորձեցինք ԱԺ լրատվության և հասարակայնության հետ կապերի պետ Գոհար Պողոսյանից պարզել՝ Հովիկ Աբրահամյանը կապ հաստատելո՞ւ է Զոհրաբ Զոհրաբյանի հետ, և, առհասարակ, ԱԺ-ն միջոցներ ձեռնարկելո՞ւ է, թե՞ ոչ։
Գոհար Պողոսյանն ասաց, որ իրենք վաղ առավոտից գտնվում են Վանաձորում և ծանոթ չեն խնդրին, հետևաբար ԱԺ-ն այս մասին իր դիրքորոշումը կհայտնի վաղը` խնդրին ծանոթանալուց հետո։
