Թուրքայի Դիարբեքիր քաղաքի հարյուրավոր տղամարդիկ վերջին օրերին սափրել են մորուքները՝ վախենալով, որ զանգվածային անկարգությունների մասնակիցներն իրենց արմատական իսլամի կողմնակիցների հետ կշփոթեն: Այս մասին հայտնում է haqqin.az-ը՝ հղում անելով թուրքական ԶԼՄ-ներին:
Զանգվածային անկարգությունները, որոնց ընթացքում զոհվել է 37 մարդ, Թուրքիայում սկսվել են անցած շաբաթ: Թուրքիայի քուրդ բնակչությունը բողոքում է, որ Թուրքիան չի միջամտում սիրիական Քոբանի (Այն էլ-Արաբ) քաղաքում գրոհայինների և քուրդ աշխարհազորայինների միջև տեղի ունեցող դաժան մարտերի առնչությամբ:
Անկարգությունների զոհերի մեծ մասը զոհվել է ցուցարարների և իսլամիստների բախումների ընթացքում, որոնց հետ ցուցարարները հաճախ շփոթել են մորուք ունեցող տղամարդկանց: Այսպես, Մարդինում քրդերը սպանել են 2 մորուքավոր օտարերկրացու Սիրիայից և Սաուդյան Արաբիայից՝ նրանց ԴԱԻՇ-ի («Իրաքի և Շամի իսլամական պետություն») գրոհային կարծելով:
Վարսահարդարների խոսքով՝ իրենց ամեն օր մինչև 15 մարդ է դիմում, որոնք ուզում են սափրել մորուքը, մինչդեռ անկարգություններից առաջ այդպիսի հաճախորդների թիվը չի գերազանցել օրական 3-4-ը:
