Քելլի Օսբորնը նոր հարցազրույցում մանրամասնում է իր «թարմացված» աշխարհայացքի բաղադրատոմսը։ Այս մասին հաղորդում է Cosmopolitan body ամսագիրը:
Քելլին խոստովանել է, որ իրեն առաջին անգամ «լավ է զգացել» նախորդ տարի «Էմմի»-ի արարողության ժամանակ. «Ես հագա զգեստը, նայեցի հայելու մեջ և լաց եղա: Երբեք չէի մտածի, որ Զաք Պոզենն ինձ համար զգեստ կկարի»:
Իր ինքնազգացողության մասին նա ասել է. «Ես երբեք չեմ մտածի, թե, օ~, որքան, սեքսուալ եմ ես: Եվ ինձ պետքէլ չէ: Ես սովորել եմ սիրել և հարգել ինձ, ինչի մասին նախկինում չէի էլ մտածի: Մարդիկ կարծում են, որ նիհարելով` ես սկսել եմ ինքս ինձ սիրել: Դա ճիշտ չէ. ես նախ սովորել եմ սիրել ինքս ինձ: Քաշի կորուստն ընդամենը ջանասեր և թերապևտիկ աշխատանքի արդյունք է: Դա իմ կյանքի ամենաբարդ շրջաններից էր: Երդվում եմ` երբեք ինձ այդքան մերկ չեմ զգացել, որովհետև ես պետք է լինեի այնպիսին, ինչպիսին կամ իրականում` պետք է հրաժարվեի դիմակիցս»:
Ինչ վերաբերում է մարմնամարզություններին, նա ասել է. «Երբ ես սկսեցի մարզվել, ոչ մի ձգման վարժություն չէի կարողանում անել: Սակայն առաջին շաբաթվա վերջում արդեն 3-ն էի անում: Մարմնամարզությունները զվարճություն չեն: Դրանց ընթացքում ես ինձ շատ դժբախտ եմ զգում: Բայց դրանցից հետո, ինձ հիասքանչ եմ զգում: Արագ արդյունք չի լինում, անհրաժեշտ է մարզվել»:
«Մարմնի կազմվածքը փոխելու համար անհրաժեշտ է փոխել նաև կենսակերպը: Սննդի մեջ ես ինձ երբեք սահմանափակում: Ամեն ինչ էլ կարելի է ուտել, սակայն պետք է չափի զգացողություն ունենալ»:
Սիրո հարցում Քելլիի բախտը ևս բերել է. «Ես վերջապես կարողացա թույլ տալ մեկին սիրել ինձ և ըստ արժանվույն վերաբերվել: Դա հիանալի զգացողություն է: Բանն այն է, որ եթե դուք կարծում եք, որ արժանի չեք լավ վերաբերմունքի, այն չեք էլ ստանա: Շատերն են այդպես մտածում: Ես ևս դրա միջով անցել եմ: Բայց հետո ես հանդիպեցի Մեթյուին, և ամեն ինչ փոխվեց»:
