2009 թ. «Ճանապարհային երթևեկության ապահովման մասին» օրենքում կատարված փոփոխությամբ, ավտոմեքենաների տեխնիկական սարքինության վերահսկումը կատարվում է ՍՊԸ-ների կողմից: Սակայն, ինչպես փաստում է ավտովարորդների իրավունքների պաշտպանության «Ալեքս» ՀԿ տնօրեն Էդուարդ Հովհաննիսյանը, տեխստուգումը շարունակում է զուտ ձևական բնույթ կրել:
«Խորհրդային տարիներին պետտեսուչը կատարում էր 4 չափորոշիչների ստուգում, իսկ այժմ լավագույն դեպքում ստուգվում է արգելակման համակարգը, կատարվում է միայն թղթաբանություն: Տարբերությունն այն է, որ, պետական 6000 դրամ տուրքի փոխարեն, վարորդներն այժմ վճարում են 8000 դրամ համապատասխան ՍՊԸ-ին»:
Էդուարդ Հովհաննիսյանի խոսքով, ստեղծված իրավիճակից դուրս գալու համար ավտոմեքենաների տեխնիկական սարքինության ապահովման համար պատասխանատվությունը պետք է կրի ՍՊԸ-ն, այլ ոչ թե անհատ վարորդը: