Հայֆայի հոգևոր խորհուրդն անվավեր է ճանաչել նամակները, որոնք ուղարկվել էին քաղաքի հյուրանոցներ և միջացառումների սրահներ: Այդ նամակնորում սպառնալիք է եղել, որ եթե հյուրանոցներում քրիստոնեական խոհրդանիշներ դրվեն ու Սուրբ Ծննդյան միջոցառումներ անցկացվեն, դրանց տերերը կարող են զրկվել «տեուդատ կաշրուտից», ինչը կհանգեցներ հավատացյալ հաճախորդների կորստին,- հայտնում է MIGnews-ը:
Հայֆայի քաղաքապետ Յոնա Յահավը հավաքել է ռաբբիներին, որոնց ստորագրությունները եղել են փաստաթղթի տեքստի տակ և Հայֆայի քաղաքապետարանի ռաբբիության ղեկավարների հետ միասին ստուգում կատարել:
Ստուգման արդյունքում պարզվել է, որ նամակը հին է: Այն ուղարկել են ռաբբիներ անունից շատ տարիներ շարունակ՝ չնայած այսօր այն արդեն ոչ մի գործնական նշանակություն չունի: Քաղաքապետի խոսքով՝ «Հայֆան բացարձակապես չի ընդունում ազգային-կրոնկան ավանդույթների հանդեպ այսպիսի վերաբերմունքը»:
«Հայֆան զբոսաշրջային բազմազգ քաղաք է: Այստեղի հյուրանոցների զբաղվածությունն ամենաշատն է երկրում: Ուրեմն ինչո՞ւ Նոր տարին մեզ հետ չանցկացնեն: Մեր քաղաքը միշտ առանձնացել է համբերատարությամբ ու հանդուրժողականությամբ: Երեք կրոնական տոները՝ մուսուլմանկանը, քրիստոնեականն ու հրեականը մի խառը մշակութային միջոցառման՝ Հագ-Հա-Հագիմի (Տոների տոն) շրջանակներում նշելու մեր ավանդույթը պետք է օրինակ դառնա իսրայելական, գուցե նաև՝ ամբողջ աշխարհի քաղաքների համար»,- ասել է քաղաքի ղեկավար Յոնա Յահավը:
