Սիրիայում և Իրաքում ԴԱԻՇ-ի (Իրաքի և Շամի Իսլամական Հանրապետություն) թիրախներին հարվածելը «Ալ-Քայիդա»-ի մի քանի կենտրոնական խմբերի, այդ թվում` կազմակերպության առավել վտանգավոր տարածաշրջանային մասնաճյուղներին դրդել է վերանայել իրենց տարաձայնությունները ԴԱԻՇ-ի ուլտրաարմատական ձգտումների հետ: Այս մասին գրում է Washington Times-ը:
Հիշեցնենք, որ սեպտեմբերին «Ալ-Քայիդա»-ի գրոհայինների երկու խումբ Մաղրիբից միացել են ԴԱԻՇ-ի ուժերին: Տարածաշրջանային պարագլուխներից դաշտային հրամանատար Հալիդ Աբու Սուլեյմանը «Ալ Քայիդա»-ին մեղադրել է «ջիհադի ճշմարիտ ուղուց շեղվելու մեջ» և ձևավորել իր խմբավորումը` «Ալժիրի խալիֆայության զինվորները», որը հավատարմության երդում է տվել ԴԱԻՇ-ին:
Ըստ ամերիկացի վերլուծաբանների`այս և մի շարք այլ փաստեր վկայում են այն մասին, որ «Ալ-Քայիդա»-ի խմբավորումները դադարեցնում են պառակտումը և պատրաստ կլինեն միասնական ճակատով դիմակայել միջազգային կոալիցիային:
