71 մարդ տեղափոխող ուղևորատար ինքնաթիռը հարկադիր վայրէջք է կատարել Մյանմարի ջունգլիներում, ինչի հետևանքով զոհվել է մեկ, վիրավորվել 11 մարդ (այդ թվում երկու օդաչու):
Ինչպես հաղորդում է Associated Press-ը, ուժեղ ձնաբքի պատճառով Յանգո քաղաքից Հեհո զբոսաշրջային քաղաք չվերթ իրականացնող Air Bagan ավիաընկերությանը պատկանող ինքնաթիռը կոշտ վայրէջք է կատարել նշանակման կետից երեք կիլոմետր հեռավորության վրա գտնվող ջունգլիներում:
Իշխանությունների տեղեկության համաձայն՝ արտակարգ իրավիճակի պատճառ է հանդիսացել ինքնաթիռի շարժիչներից մեկում բռնկված հրդեհը:
«Հարկադիր վայրէջքի պատճառով ինքնաթիռը լրջորեն վնասվել է, մարդիկ տարհանվել են»,- հաղորդել է ոստիկանության ներկայացուցիչը:
Աղետի վայրում աշխատում են փրկարարներ և հրշեջներ: Պատահարի հանգամանքները պարզելու համար սկսվել է հետաքննություն:
Ավելի վաղ, Agence France-Press-ը, վկայակոչելով ավիաընկերության ներկայացուցչին, հայտնել էր, որ զոհեր չկան, վիրավորվել է երկու օդաչու:
«Սինհուա» գործակալության տվյալներով՝ ընդհանուր առմամբ օդանավում եղել է 65 ուղևոր, որոնցից 51-ը եղել են օտարերկրյա զբոսաշրջիկներ (նրանց քաղաքացիությունն առայժմ չի հաղորդվում):
