Իտալիայի հյուսիսում՝ Կոմո լճի ափին տեղակայված Բալանո քաղաքի իշխանությունները բախվել են չափազանց անսովոր խնդրի՝ նրանց հարկադրում են տուգանք վճարել «աղմկոտ» ջրվեժի համար: Այս մասին գրում է The Telegraph-ը:
Քաղաքը 650 եվրոյով (900 դոլար) տուգանվել է բնապահպանների կողմից այն բանից հետո, երբ բնակիչները բողոքել են, թե ջրվեժի աղմուկի պատճառով չեն կարողանում առանց պատուհանները փակելու հեռուստացույց դիտել: Նրանք մեղադրել են քաղաքային խորհրդին՝ հայտարարելով, որ ջրի հոսքը, որն օգտագործվում է փոքրիկ հիդրոէլեկտրակայանի սնուցման համար, կարելի է կարգավորել արհեստական կերպով:
Քաղաքապետ Ռոբերտո Սանտալուչիան հայտարարել է, որ մտադիր չէ վճարել, քանի որ այդ պահանջն ուղղակի աբսուրդ է:
