Ավելի վաղ ենթադրվում էր, որ ընտրական հանձնաժողովի կողմից հանրաքվեի արդյունքները կհրապարակվեն երկուշաբթի, նաև հայտարարվել էր քվեարկության պաշտոնական արդյունքների հրապարակման օրը երեքշաբթի տեղափոխելու հավանականության մասին:
Եգիպտոսի ընտրական հանձնաժողովի ներկայացուցիչն ասել է, որ դեռևս հանձնաժողովը քննարկում է քվեարկության խախտումների վերաբերյալ իրենց ուղղված բողոքները և դա է պատճառը, որ պաշտոնական տվյալների հրապարակումն ուշանում է: Նրա խոսքերով՝ հանձնաժողովը բոլոր հայտարարությունները պետք է ընդունի, որից հետո լրացուցիչ ժամանակ է հարկավոր քվեարկության 2 փուլերի արդյունքների և արտասահմանից եկող տվյալների ամփոփման համար:
Ընդհանուր առմամբ քվեարկության իրավունք ունեցող անձանց թիվը երկրում 51 մլն է: Հանրաքվեին մասնակցելու իրավունք ունեն նաև Եգիպտոսի սահմաններից դուրս գտնվող եգիպտացիները: Դեկտեմբերի 15-ին և 22-ին անցկացված հանրաքվեի 2 փուլերի արդյունքներով և արտերկրում ապրող եգիպտացիների կարծիքը հաշվի առնելով՝ նոր սահմանադրությանը կողմ է քվեարկել բնակչության գրեթե 63%-ը, դեմ` 36%-ը:
Ավելի ուշ հայտնի դարձավ, որ Սահմանադրության համար անցկացված հանրաքվերի պաշտոնական տվյալները կհրապարակվեն դեկտեմբերի 25-ին` երեքշաբթի, Եգիպտոսի ժամանակով ժամը 19:00-ին: