Լոնդոնի Օլիմպիական խաղերի արծաթե մեդալակիր Արսեն Ջուլֆալակյանը Facebook-ի իր էջում շնորհակալություն է հայտնել բոլոր այն մարդկանց, ովքեր գնահատում են իր արած աշխատանքը:
Ներկայացնում ենք Ջուլֆալակյանի գրառումն առանց խմբագրման.
«Շնորհակալ եմ իմ բոլոր հարազատներին, ընկերներին, ուղղակի մարզասերներին և առհասարակ մեր հայ ազգին նման աջակցության, ջերմ խոսքերի, բարեմաղթանքների և ըմբռման համար: Նման պահերին կրկին համոզվում ես, որ քո արած գործը իսկապես գնահատվում է, որ իրական արժեքները դեռ պահպանվում են… Իսկ մեր Ազգին այսօր ամենից շատ հենց դա է հարկավոր: Եվ երբեք չպետք է թույլ տալ, որ մեկ անհաջող «պտուղը» փչացնի ողջ հիասքանչ բերքը:
P.S. Ակամայից հիշեցի մեր ժողովրդական ասացվածքներից մեկը — Չկա գյուղ, որ շուն չունենա»:
