Փխրուն, նրբակազմ, շիկահեր Կրիստինա Ասմուսը իդեալական ձյունանուշ է` հագնված «հոթ կուտյուր»: HELLO! ամսագրի ամանորյա նկարահանումների համար դերասանուհին փորձել է իտալացի դիզայներ Անտոնիո Մարասի նոր հավաքածուի զգեստները և միաժամանակ պատասխանել նրանց հարցերին:
Նա խոստովանել է, որ դեռևս չի կողմնորոշվել տոնական գիշերվա կերպարի հարցում, չգիտի ինչպես և որտեղ նշել դեկտեմբերի 31-ը:
Ամանորի գիշերը ես ընդհանրապես չեմ աշխատում, չնայած, որ առաջարկներ մշտապես լինում են: Միշտ Նոր տարին դիմավորում եմ ընկերներիս կամ ընտանիքիս հետ: Ընդհանրապես միշտ ուրախ եմ տարբեր անսպասելի իրավիճակներին:
Նախանցյալ տարին ես դիմավորել եմ ճանապարհին: Այնպես ստացվեց, որ ես իմ համակուրսեցիների հետ էի: Շնորհավորեցինք մեր ուսուցիչներին, որից հետո Անտոնը մեզ փողոց դուրս հանեց: Մենք փողոցում կանգնած փորձում էինք մեքենա կանգնեցնել: Մի բեռնատար մոտեցավ, որի բեռնախցիկում էլ ժամը 12-ին մենք միմյանց շնորհավորեցինք:
Այժմ Ասմուսին չի մտահոգում տոներին նախապատրաստվելը, այլ նոր դերը: Ասմուսը տարվա վերջին թատրոնի բեմ է դուրս եկել: Այն հարցին, թե ներկայացման ժամանակ անհանգստացել է, նա պատասխանել է՝ սարսափելի: Ամեն դեպքում ես դեռ սկսնակ դերասանուհի եմ: Ես դիպլոմային ներկայացումներ ունեցել եմ, բայց նման բեմ դուրս գալու առիթ նախկինում չեմ ունեցել` նման լուրջ նախագծում: Դա իմ կյանքում բեկումնային պահ է եղել:
Թե արդյոք «Интерны»-ն կունենա շարունակություն, Ասմուսն ասել է, որ գարնանը կսկսվի 4-րդ սեզոնը: Սակայն չգիտեմ, թե հետագայում ինչ է սպասվելու իմ մարմնավորած հերոսուհուն. դեռևս չենք քննարկել,- ասել է դերասանուհին:
