Ամբողջ աշխարհը ցնցված էր, երբ համացանցում հայտնվեցին Սենդի Հուկի տարրական դպրոցում կատարված ողբերգության լուրերը, գրում է Spletnik-ը:
Նման հարձակումներն այնքան էլ հազվադեպ չեն ԱՄՆ-ում, որտեղ գրեթե յուրաքանչյուր ընտանիքում զենք է պահվում, և կրակոցներից օրական 34 մարդ է մահանում: Այդ պատճառով էլ անհանգստացած ամերիկացիները բարձրացնում են զինամթերքի մասին օրենքի բարեփոխման հարցը:
Աստղերը ևս մասնակից են դրան. Ջենիֆեր Էնիսթոնը, Քեմերոն Դիասը, Գվինեթ Փելթրոուն, Սելենա Գոմեսը, Բյոնսեն, Ջեսիկա Ալբան, Քորտնի Կոքսը, Ռիզ Ուիզերսպունը և իրենց երեխաների անվտանգությամբ անհանգստացած այլ աստղեր, աջակցում են նոր Demand A Plan օրինագծին:
Նախաձեռնությամբ կոչ է արվում խստացնել հրաձգային զենքի մասին օրենքը: Նրանց տեսահաղորդագրության հերոսները հարցնում են. «Էլի քանի՞ դպրոց, դասասենյակ, կինոթատրոն, կրոնական հաստատություն»: Ապա իրենք էլ պատասխանում են. «Բավակա՛ն է»:
