«Գոձիլայի» նոր տարբերակի պրոդյուսեր Դեն Լին հաղորդել է, որ ֆիլմը նկարահանելու են կանադական Վանկուվեր քաղաքում:
Ինչպես հաղորդում է Collider կայքը, ամենայն հավանականությամբ, նկարահանումները կսկսվեն 2013 թ. մարտին և կշարունակվեն մինչև հունիս: Ֆիլմի բեմադրությամբ հանդես կգա Գարեթ Էդվարդսը: Նրա միակ լիամետրաժ ռեժիսորական աշխատանքը փոքրբյուջետային ֆանտաստիկ ժանրի «Հրեշներ» ֆիլմն է, որը մեծ էկրան է բարձրացել 2010 թ.: Լինի խոսքերով՝ Գոձիլայի մասին ֆիլմն ավելի «իրատեսական» կլինի:
2012 թ. սեպտեմբերին Warner Bros. և Legendary Pictures-ը հայտարարել էին, որ նոր ֆիլմը էկրան կբարձրանա 2014 թ. մայիսին: Այն վարձույթի կհանձնվի 3D տարբերակով:
