«Գլուխները պատով են տալիս, որ ըտենց բան են ասում. թող իրենց նայեն, թող չափը չանցնեն»,- «Առաջին լրատվական»-ի հետ զրույցում ասաց ԱԺ փոխնախագահ Էդուարդ Շարմազանովը՝ անդրադառնալով եռյակի հանրահավաքում հնչող այն արտահայտություններին, ըստ որոնց՝ Սուրիկ Խաչատրյանի վերանշանակումից հետո, նախագահից սկսած, իշխանությունները պիտի ասեն՝ մենք բոլորս Լիսկա ենք:
Էդուարդ Շարմազանովը մի առիթով ասել է, որ Սյունիքի մարզպետ պիտի նշանակվի ամենաարժանավորը. մի՞թե ամենաարժանավորը Սուրիկ Խաչատրյանն էր՝ հարցին ԱԺ փոխնախագահը պատասխանեց՝ կառավարությունն է նշանակել. եթե գտել է, որ այդպես է, ուրեմն այդպես է:
Էդուարդ Շարմազանովը անդրադառնալով եռյակի հանրահավաքներին՝ ասաց. «Ինչքան գիտեմ, իրենք մեզ ժամկետ էին տվել մինչև սեպտեմբերի 30-ը՝ 12 կետերի մասով, գոնե հիմա՝ այդ հանրահավաքների ընթացքում, 12 կետերից սկսել են չխոսել: Դա իրենց խնդիրն է, իրենց մարտավարությունն է: Յուրաքանչյուր երկրում ընդդիմությունը ինքն է որոշում՝ ինչպես պայքարել: Չեմ ուզում մտնել իրենց խոհանոց, բայց մի բան կարող եմ ասել՝ պայքարը պիտի լինի քաղաքակիրթ, պայքարը պիտի լինի օրինական»:
Առավել մանրամասն՝ տեսանյութում:
