Սամվել Դարբինյանը կփոխարինի Դուշան Միյիչին «Արարատ»-ի գլխավոր մարզչի պաշտոնում:
62-ամյա Դարբինյանը նախկինում երկու անգամ գլխավորել է «Արարատը»` 1995-ին և 2011-ին, իսկ 1986-ին և 1991-ին Դարբինյանն ընդգրկված էր «Արարատի» մարզչական շտաբում: 1995 թ-ին Դարբինյանի գլխավորությամբ թիմը դարձավ ՀՀ Գավաթակիր:
Սամվել Դարբինյանը տարբեր տարիներին գլխավորել է Հայաստանի ազգային հավաքականը, Երևանի «Երևան», «Կիլիկիա», «Փյունիկ» և «Միկա», Բեյրութի «Ռասինգ», ինչպես նաև` Իրանի «Զոբ Ահան», «Փեյքան», «Սայփա Շոմալ» թիմերը: Դարբինյանի վերջին ակումբն էր Իրանի առաջին խմբի առաջնությունում հանդես եկող «Գիթի Փասանդ»-ը:
Փորձառու մասնագետի գլխավորությամբ «Երևան»-ը դարձել է Հայաստանի չեմպիոն (1997) և բրոնզե մեդալակիր (1996/1997, 1998), «Փյունիկ»-ը նվաճել է չեմպիոնի կոչումը (2001), «Միկա»-ն դարձել է առաջնության արծաթե մեդալակիր (2009), իսկ «Զոբ Ահան»-ը նվաճել է Իրանի գավաթը (2002):
