Վենեսուելայում կներդրվի առաջին անհրաժեշտության ապրանքների գնման վերահսկողական համակարգ, որի ժամանակ կօգտագործվի մատնահետքերի սքանավորում: Ներկայում իրենց կենսաչափական տվյալները հանձնել են երկրի գրեթե 800 հազար քաղաքացիներ՝ հայտնում է ITAR-TASS-ը:
Նոյեմբերի 30-ից հետո ցանկացած սուպերմարկետի յուրաքանչյուր գանձարանի մոտ կտեղադրվի մատնահետքերը հաշվող սարք, ինչը թույլ կտա վերահսկել վաճառքի ծավալը:
«Ժողովրդական սուպերմարկետներից» ապրանքներ գնել ցանկացողների համար կենսաչափական տվյալների գրանցման կետեր բացվել էին դեռևս այս տարվա ապրիլին: Երկրի նախագահ Նիկոլաս Մադուրոյի հայտարարությունից հետո պարզվել էր, որ նոր համակարգը կներդրվի նաև մասնավոր առևտրային ցանցերում:
Կենսաչափական պաշտպանության համակարգը, նպատակ ունի պաշտպանել մարդկանց խարդախներից, քաղաքացիներին հերթերում երկար կանգնելուց:
Նոր էլեկտրոնային համակարգը թույլ կտա հեշտորեն կարգավորել վաճառքի հաճախականությունը ու պայքարել դեֆիցիտի դեմ:
