Ռուսական «Վզգլյադ» թերթի փոխանցմամբ՝ Ռուսաստանի նախագահ Վլադիմիր Պուտինը Մոսկվայում լրագրողների հետ մեծ զրույցում, որի շրջանակներում նրան ուղղվել է 81 հարց, հայտարարել է, որ Ռուսաստանը կատարելու է Առևտրի համաշխարհային կազմակերպության (ԱՀԿ) շրջանակներում իր պարտավորությունները՝ վրացական ապրանքների շուկայում հայտնվելու վերաբերյալ:
Պատասխանելով վրացի լրագրողի հարցին՝ Պուտինը խոստացել է, որ Ռուսաստանը կատարելու է ստանձնած միջազգային պարտավորությունները, ինչը մասնավորապես վերաբերում է ռուսական շուկայում վրացական ապրանքների հայտնվելուն.
«Պետք է նայենք ԱՀԿ-ի գծով մեր պարտավորություններին: Եթե Վրաստանը վերացրել է իր առարկությունները ԱՀԿ-ին Ռուսաստանի անդամակցության վերաբերյալ, մենք էլ պետք է կատարենք մեր պարտականությունները: Խնդիրը պետք է ապաքաղաքականացվի: Մեզ համար դա էական չէ, սակայն վրացական տնտեսության համար դա կարող է ավելի զգալի լինել»:
