Ճապոնիայում տեղի է ունեցել հերթական ուժեղ երկրաշարժը: 6.5 մագնիտուդ հզորությամբ երկրաշարժը գրանցվել է Հոսյու կղզու Իվատե պրեֆեկտուրայում: Հայտարարվելէ ցունամիի վտանգի մասին, սակայն հետագայում տագնապը հանվել է, քանի որ ալիքների բարձրությունը չի գերազանցել 50 սմ: Այս մասին հաղորդում է ճապոնական NHK հեռուստաալիքը:
Մինդեռ «Ֆուկուսիմա-1» ատոմակայանում ճառագայթման մակարդակը շարունակում է կրիտիկական մնալ: Թեպետ երեկ հերքվել է, որ ռադիացիոն ֆոնը մի քանի միլիոն անգամ գերազանցում է նորման, սակայն հաստատված՝ 100 հազար անգամ գերազանցումը նույնպես կրիտիկական է համարվում: Ճառագայթման այս մակարդակով տարածքում 4 ժամ անընդմեջ մնալուց հետո մարդն անմիջապես կմահանա: Այս մասին հաղորդում է Kyodo գործակալությունը:
Ընդ որում, ճառագայթված ջուրը, որը նախատեսված է հովացման համար, անընդհատ դուրս է գալիս ռեակտորներից, և ատոմակայանը շահագործող ընկերությունը ստիպված է լինում տարհանել իր աշխատակիցներին:
Երեկ Ճապոնիայի մի շարք քաղաքներում տեղի են ունեցել բողոքի ակցիաներ ընդդեմ միջուկային էներգիայի օգտագործման: Այս մասին հաղորդում է France Presse գործակալությունը: Մի քանի հարյուր մարդ մայրաքաղաք Տոկիոյում բողոքի երթ են կազմակերպել, որի հիմնական կարգախոսն էր` «Մենք չենք ցանկանում ունենալ ատոմակայաններ»: Նմանատիպ բողոքի ակցիա տեղի է ունեցել նաև Նագոյա քաղաքում:
