Եգիպտոսի նախկին նախագահ Հոսնի Մուբարաքը, որը ժամեր առաջ հետազոտման նպատակով տեղափոխվել էր Կահիրեի Մաադի շրջանի ռազմական հիվանդանոց, տեղափոխվել է Տորա բանտ: Այս մասին հայտնում է RIA Novosti-ն՝ հղում անելով Եգիպտոսի ՆԳՆ Բանտերի վերահսկման վարչության ղեկավար Մուհամմադ Իբրահիմին:
«Հետազոտության անցկացումից հետո Մուբարաքը տեղափոխվել է Տորա բանտի հիվանդանոց: Այդ բանտում նա ցմահ պատիժ է կրում»,- ասել է Իբրահիմը: Նրա խոսքով՝ նախկին նախագահի հետազոտության արդյունքները հայտնի կդառնան արդեն այսօր:
Նա հերքել է տեղեկությունն այն մասին, որ Մուբարաքին ռազմական հիվանդանոց տեղափոխելիս նրան ուղեկցել է հարազատներից մեկը: Նրա խոսքով՝ Մուբարաքին ուղեկցել են միայն զիծառայողներն ու ՆԳՆ ներկայացուցիչները:
Մուբարաքին ռազմական հիվանդանոց տեղափոխելու անհրաժեշտությունն առաջացել էր այն բանից հետո, երբ մի քանի օր առաջ Մուբարաքն ընկել էր լոգարանում, հարվածել գլուխն ու կողոսկրերը: Նրա մարմնին առկա էին կապտուկներ:
Միջադեպից հետո նախկին նախագահի փաստաբանն անհապաղ բուժզննության խնդրանքով դիմել էր Եգիպտոսի գլխավոր դատախազին:
