Բրուկլինում (Նյու Յորք) երդվյալ ատենակալների դատարանը Հորդանանում տեղակայված Arab Bank-ին ճանաչել է ՀԱՄԱՍ շարժման ֆինանսավորման մասնակից և բանկին պարտավորեցրել փոխհատուցում վճարել Իսրայելի և Պաղեստինի տարածքում շարժման իրականացրած հարձակումների հետևանքով տուժածներին: Այս մասին հայտնում է Reuters գործակալությունը:
Հաղորդվում է, որ այդ գործով որպես հայցվորներ հանդես են եկել ԱՄՆ մոտ 300 քաղաքացիներ, որոնց ընտանիքները կամ անմիջապես իրենք տուժել են ՀԱՄԱՍ-ի գործողություններից՝ սկսած 2000 թվականից: Հայցվորների կարծիքով՝ բանկի ներկայացուցիչներն իմացել են, որ իր ինստիտուտների միջոցով ֆինանսավորվում են գրոհայինների ընտանիքները և ՀԱՄԱՍ-ի առաջնորդները, սակայն չեն ձեռնարկել քայլեր՝ տարանցումներն արգելելու համար:
Դատավարությունը տևել է 6 շաբաթ: Երդվյալ ատենակալների կարծիքով՝ բանկը խախտել է 2001 թվականին ընդունված՝ ահաբեկչության դեմ պայքարի մասին օրենքը:
Գումարի չափը, որը բանկը պետք է վճարի որպես փոխհատուցում, հայտնի չէ:
