Շոտլանդիայի նախկին վարչապետ նախարար, Շոտլանդիայի ազգային կուսակցության ղեկավար Ալեքս Սալմոնդը կարծում է, որ ապագայում երկիրը կարող է անկախանալ նաև առանց հանրաքվեի: Այս մասին հայտնում է The Independent-ը:
Անցած հինգշաբթի Շոտլանդիայում տեղի ունեցած հանրաքվեում շոտլանդացիների մեծ մասը դեմ քվեարկեց Միացյալ Թագավորության կազմից դուրս գալուն: Վերջին տվյալների համաձայն՝ բնակչության 56 տոկոսը իրենց ձայնը տվել էին միության պահպանման օգտին:
Սալմոնդը, որը հրաժարական էր ներկայացրել քվեարկության արդյունքներից հետո, հայտարարել է որ թեև Բրիտանիայի կազմից դուրս գալու լավագույն եղանակը հանրաքվեն է, սակայն կան նաև «այլ ճանապարհներ»:
Նրա խոսքով՝ եթե Շոտլանդիայի խորհրդարանը ստանա լայն լիազորություններ, ինչ-որ պահի երկիրը ազատ կլինի բոլոր չափանիշներով ու նրան կմնա միայն պաշտոնապես հայտարարել իր անկախության մասին:
