Երիտասարդ ամերիկացի Զակ Զոբիեկը, որին ընդամենը մի քանի ամսվա կյանք է մնացել, որոշել է մահվանից առաջ հրաժեշտի երգ ձայնագրել: Երգիչ և կիթառահար Զակի մասնակցությամբ երգը տեղադրվել է YouTube-ում՝ նրա հիվանդության մասին պատմող գրություններով:
Զակը 15 տարեկանում է իմացել, որ հիվանդ է քաղցկեղով` ասվում է Caring Bridge բարեգործական հիմնադրամի կայքում: Հետազոտությամբ տղայի մոտ հայտնաբերվել է ոսկրի քաղցկեղի բացառիկ տեսակ:
Երկու տարի տղան փորձել է բուժվել հիվանդությունից: Նա մի քանի վիրահատության է ենթարկվել ու անցել քիմիաթերապիայի կուրս, սակայն 2012թ. մայիսին նրա թոքերում մետաստազներ են հայտնվել: 17-ամյա Զակին նախազգուշացրին, որ նա մի քանի ամսվա կյանք ունի:
Տղան դրանից հետո որոշել է կյանքի մնացած հատվածը նվիրել երաժշտությանը` իր սեփական ալբոմի համար ձայնագրելով Clouds երգը: YouTube-ում տեսահոլովակը ունի 400 հազարից ավելի դիտում:
