Այսօր բանակում խաղաղ պայմաններում մահացած զինծառայողների մայրերը գնացել էին նախագահի նստավայր:
«Նախագահականում մեզ Աիդա Ասատրյանն ընդունեց, և մենք հասկացանք, որ ինքը ոչնչից էլ տեղյակ չէ»,- վրդովված ասաց բանակում խաղաղ պայմաններում մահացած զինծառայող Արթուր Ղազարյանի մայրը:
Երկու շաբաթ առաջ ՀՀ կառավարության աշխատակազմի ղեկավար-նախարարի առաջին տեղակալ Գուրգեն Դումանյանը հանդիպել է մայրերին, ասել է, որ նախագահը տեղյակ է, որ մայրերն ուզում են հանդիպել իրեն, պարզապես ասել է՝ մի քիչ ժամանակ տվեք: «Բայց Դումանյան Գուրգենն էլ է սուտ խոսող, Ղազարյան Ալիկն էլ. ինչքան ստախոս մարդիկ կան, բերում են, ստեղ են կանգնեցնում, որ իրենք իրենց շոուն անեն: Գոնե ամաչեն. տեղից մենք խաբված ենք, մեր սրտները կոտրված են, ինչի՞ են խաբում»,- շարունակեց Իրինա Ղազարյանը:
«Ալիկը դուրս է եկել, ասել, որ Աիդան ասել է, որ գիտենք խնդիրը, բայց մենք գնացինք-տեսանք, որ նման բան չի ասել»,-ասաց մահացած զինծառայող Վալերիկ Մուրադյանի մայրը՝ Նանա Մուրադյանը:
Նրանք նշեցին, որ Բաղրամյան 26-ում տեղյակ չեն եղել վարչապետի՝ իրենց տրված խոստումներից:
»Ես պարզեցի որ ստեղ ստախոսների հավաք է, որ ասում են՝ մկների ժողով է, մուկը գնում, կատուն ա գալիս, կատուն գնում է, կռիսին բերում»,- ասաց Իրինա Ղազարյանը:
Նանա Մուրադյանը նշեց, որ իրենց հետևողական են լինելու:
Աիդա Աստարյանը մայրերին ասել է, որ վերադասին կզեկուցի մայրերի պահանջը:
Հիշեցնենք, որ դեռ հուլիսին վարչապետը, հանդիպելով բանակում խաղաղ պայմաններում զոհված զինծառայողների մայրերին, խոստացել էր հանդիպում կազմակերպել Սերժ Սարգսյանի հետ: Նա անգամ չէր վերցրել մայրերի դիմումները՝ պատճառաբանությամբ, որ միայն բանակի Գերագույն հրամանատարը հարցերին պատասխան կտա:
Ավելին՝ տեսանյութում:
