Տղամարդը, որի անունը չի հաղորդվում, պետք է իր վարժեցրած արջի հետ մասնակցեր Վալենսիայի մոտ տեղի ունենալիք քաղաքային տոնին: Սակայն վատ եղանակի պատճառով տոնավաճառը չեղյալ է հայտարարվել: Տղամարդն արջին կապել է մարդաշատ փողոցի լուսասյանն ու ինքը գնացել փաբ, հայտնում է Mirror-ը:
Հաղորդվում է, որ իսպանացին ուզել է փաբ մտնել արջի հետ, սակայն բարի տերը թույլ չի տվել: Զարմանալի է, բայց արջին լուսանկարող անցորդներից ոչ մեկը ոստիկանություն չի կանչել:
Իսկ չկայացած տոնավաճառի կազմակերպիչները քննադատել են իսպանացու գործողությունները: «Մենք ուզում էինք կենդանիների մասնակցությամբ ներկայացում կազմակերպել, ինչը համաձայնեցված էր իշխանությունների հետ: Ենթադրվում էր, որ արջը պետք է պարի փողային գործիքների երաժշտության տակ: Մենք պատասխանատու չենք նրա համար, ինչ վարժեցնողն անում է բեմից դուրս: Նրա անպատասխանատու վարքի մասին լուրը մեզ չափազանց վշտացրել է»,- հայտարարել են տոնի կազմակերպիչները:
